AL3BEER's profile][®][^][®][.....AL_3BEER...PhotosBlogListsMore  |  Tools Help |
|
|
September 12 تخرجنا الحمدللهالسلام عليكم ورحمة الله وبركاته
وياكم الطالبه الجامعيه العبير هع واخيرن تخرجنا--}
وخذنا البكلريوس و عقبال الماجستير ان شالله
 احم احم شخباركم يا اعضاء سبيسي
من زمان ما دشيت الأسبيس احسناني مليت من النت
المهم عاد الحمدلله تخرجت
 واستويت بنت جامعيه كلولولشمستحيل مادري كيف خطفت السنوات والله بسرعه اول ما دشيت الأسبيس بطلت سبيسي الجديم
ويلست اقرا الذكريات شو اكتب عن الجامعة ويوم دشيت وقريت سبيسي الجديم ههههه مادري
جنه اعيد الذكريات بس الحمدلله عدت على خير وتخرجت كلولولوش
ممم الحينه عاد يالسه في البيت لا شغل ولا مشغله براويكم الصور الي صورتها
طبعن الحفل كان كبير وتصورنا وحاله بس صورت لكم بعض الصور وذكريات الحلوة
 انا وشاحي الوردي هههههههه وربيعتي نانا وشاحها البرتقالي والأزرق وشاح ربيعتي نورة
طبعن كلنا كلية الأدارة والأقتصاد بس كل وحدة قسم
ومبروك التخرج للكل وعقبال الأمبراطورة ويزوي ان شالله يتخرجون بعد
وصورت بعض دكارت تخصصنا
 دكتور نبيل مكي هذا كله ينكت هههه هههههه الي لابسه جاكيت اخضر هذا طيب مووووت لول
والدكتورة الي عداله هذي درست عندها اسبوعين عقب سحبت المادة هههههه مافهمت شي منها بصراحة والكل اشتكا بس اخر شي تندمت اني سحبت
كل البنات قالو عطتنا درجات زيييييييييييينه هع ههههههههههه
وهذا دكتورنا عبد الرحيم طبعن اطيب دكتور درسني هو ونبيل مكي في كل الجامعة
 درسني 3 مواد ههههههه كل كورس اسجل عنده ونتضارب على كلاساته
 دكتورة داون هذا اطيب دكتورة ولو ان الحريم نحيسات وماحب اخذ عندهن بس هذي غير
هههههههههههه هذي لها قصة بعد تخيلو شي كورس ما نفهم شي
انيب في الكويز 1 من 10 يعني ما نفهم شي انا ويزوي ربيعتي واخر شي
استغربت زقرتني انا ويزوي وقالت لنا ليش جي مستواكم ضعيف وشو السببب ومن هالقبيل
عاد انا ويزوي كنا متفشلات لان ما نفهم شي المادة كانت كلها معادلات ورياضيات وارقام وحاله
ونحن فهمنا على قدنا اخر شي قلنا لها بصراحة نحن دوم ندرس هالمادة بس ما نفهم ومادري ويلسنا نتشكا لها وقلنا لها معدلاتنا نازله ونخاف نرسب
جان نضهر لها الأوراق الي انا ويزوي دارسين فيها وكنا صدق ندرس بعض اوننا المشكلة شو اننا كلنا مب فاهمات بس نحاول نطلع نضريات هههه من راسنا عاد ضهرنا لها جي كومت اوراق وحطيناها على الطاوله ويلست تشوف التدريس قالت منو يدرسكم
قلنا لها ندرس بعض
 وشكلنا جي متفشلاتههههههههه قالت ياسلام اصلن تدرسون بعض غلط
واانا اقول لو وحدة يابت واحد ونص من عشرة الثانيه بعدوكله كانت تفرقنا في الكلاس وحاله تتحرانا نغش واكتشفت سبب خيابتنا هههههههههه
 عاد ياحليلها طيبه جان تقول لنا خلاص انتم عقب كل كلاس تعالو الاوفيس عندي وانا بفهكم الدرس
وكنا عاد نسير عقب كل كلاس ههههه لان يبالنا شرح خاص ما نفهم بسرعه
تخيلو كم يبنا عقب الشرح مالها هههههههه يبنا علامة كامله في الكويز
وقالت لنا انتم ذكيات بس ما تركزون وياي ومادري شوالمهم اننا نجحنا في المادة اخر شي ولو ان الكويزات خربت علينا قلنا ليتنا من زمان سرنا لها بس المهم انقذتنا على اخر الكورس
واهم شي انه مانعيد هالكورس لان المادة غلسة تطفر
والله ذكريات وشي صور بعد وايد ههههههههههه وحطو صورنا في الجريدة هعهعهع هع اوننا تخرجنا
بس مافيني اعدل الصور خلاص هههههه
بس الحمدلله انه هم وانزاح
 مممم
قررت اطور من ذاتي بصراحة وحطيت لي شروط وموعد لتحقيق وقلت على بدايه السننه اليايه يعني بيكون واحد واحد الفين وحدش عاد انا قلت ابا رقم مميز شرات مترو دبي هههههههه شكلي تحريت عمري قطار المهم سنه 2011 لازم احققها
بكتبها هني عاد انا شفت كل مشروع يسون له وقت هههههه شرات مترو دبي وبرج دبي عاد اانا قلت بسوي لي بعد
موعد احقق فيه اهدافي هعهعهعهع وبشوف شو حققت من هالأمور :
<<<شوفو الرقم كيف كشخة
للبيع ههههه 1-1- 2011
1- اهتم بشكلي العام (جسم -شعر-بشره-اضافر-اسنان)
2- اقرا كتب (ثقافيه- دينيه-اجتماعيه-كتب التصوير وتطوير هواياتي )
3- ادور شغل(ان شالله ربي يوفقني )
4- احفظ اجزاء من القران (ان شالله )
5- اكمل قصة جواهر
6-اطور قدراتي في التصوير
7-اطور مجال الرسم عندي
8-اخطط لمشروعي الخاص
9-اصلي السنن
10 - اساعد المحتاجين
وعلى اخر سنه 2010 يعني بتكون بدايه 1-1-2011بشوف شو حققت من هالأمور
ان شالله اكون حققت حتى لو 10 % لان بصراحة انا وحدة كسوله بس بحاول  وتحياتي لكم
العبير April 28 كوريات هعهلاااااااااا شخباركم هعهعهعهع المههم ع سالفت الريجيم هههههههههههه ترا كل القروب من اوله لاخرة من اول اسم لاخرة اسم ههههههههههه
ولا وحدة منهن استمرت ع الريجيم هههههههههه هذي اخرت الفضايح كلنا اول شهر اوننا ريجيم والي تسير تاكل نصارخ عليها ههههههههه عقب شهر نسينا السالفة
وخلاص ردت حليمة لعادتها القديمة هعهعهعهع ماعلينا ان شالله بنرد ههههههه لريجيم قريبا مادري متى تخيلو وحدة تقولي سالفة ع المسن ههههه ان وحدة تقربلهم
ترشقت كان وزنها 120 وصار وزنها 55ههههههه قتلها ياحضها شو سوت هذي قالت تراها عمرها 40 عاد انا انحبط قلت ليكون نحن ما بنفكر في الموضوع الا ونحن عياييز خلاص
هههههههههههه الله يعين بس
عاد تعرفون هالفترا مادري شو السالفة العالم كلهم على الأفلام الكوريه والدراما الكوريه من كثر ما العالم صارت تحب الكورين سو لهم يوم خاص في جامعتنا ويابو لنا كورين اشكال والوان وسو الحينه نادي لمحبين كوريا ولابسين فساتين كوريه ولا واحد منهم شاف بنيه ميودة موكا من استار بوكس جان ينطق عربي ويقول لها ان هذا الشراب الكوري افضل من الذي في يدك ههههههه عاد انا انصدمت ماعرفت الصوت من وين طالع قلت يمكن حد منخش تحت الطاوله
 عقب تميت افكر من وين مصدر الصوت اكتشفت عقب ان الكوري نطق باللغه العربيه الفصحى هعهعهعهع ويمكن بعد احسن عني في الفصحى هعهعهعوعطونا اكل كوري مادري والله شو هذا جربنا شويه منه وكنا بنزوع استغفر الله الي عرفته بس السوشي الباقي مادري شو هعهعه
وعلمونا كيف ناكل ههههههه بالأعواد Chopsticks,,,,مالهم والله احس هالاعواد تسوي جرايم في الحلج هههه هعهعهعهعه
عاد انا وربيعاتي يلسنا نحاول نمسك شي بالأعواد هذي ههههههه وبعد طلعت الروح نجحت العمليه مالتنا هههههه
براويكم صور انجازنا هههههههه
هذي قبل الجريمة هههههههههه تقولون بنسير نحارب
اول براويكم فيديو هعهعهع كيف تاكلون chopsticks
 وهني يوم بدينا الجريمة
 تعرفون شوفو هني اسمي بالكوري انا وربيعتي اليازيه هههههههه المشكلة شو الحينه يوم يت بصور الأسامي الحينه ابا ارد لربيعتي اسمها انزين اوك هذي مب مشكلتنا ههههههههههههه المشكلة انه انه كيف بفرق وين اسمي واسمها والله مشكلة
ههههههه شكلي بعطيها واحد من الاسامي وخلاص هعهعهعهع  الكوري كتبها لنا هعهعهعهعه شوفو توقيعه بالاحمر
 وهاي خريطة كوريا هعهعهع يهالكوريه سوتلنا زحمة ههههه
 شفتو الهنود يحطون نقطة حمرا في جبهتهم ههههههه الكورين يحطوها على خدودهم ههههه
وخلصنا سالفت الكورين كان شي وايد امور بس تعرفون شو ههههههههههه جامعتنا ما تسمح لنا نصور وشي وحدة معفنه قتلها طرشي لي الصور هي تصور للجامعة ما طرشت لي الصور مع انها قالت بطرشهن لج طبعن حتى لو طرشتها بسوي لها ربلي وبقولها هههههههه خليهن عندج علقيهن في بيتج اكره هالحركات بصراحة المهم ماعلينا
براويكم شي بعد فعاليات ههه بعد شي معرض الشرطة هعهعهعهع سرنا له وشفنا عرض الجلاب هههههه
 عرض الجلاب البوليسيه صورت الجلب يخوف ههههههههه
عمركم ركبتو سيارة اسعاف لا ان شالله ما تركبوها هعهعه
المهم ركبنا سيارة الاسعاف والشرطة وخلونا نحمل الأسلحة هعهعهعهع روعه استانسنا براويكم الصور الي صورتها
هههه هذي سيارة الشرطة هعهعهعهع عاد اختي مصدقة عمرها هني انها تسوقها عاد راوينا اهلي الصورة وقلنا لهم ههههههه اليوم الشرطة مسكتنا سوينا لهم فلم رعب هههههه اكشن
 وهاي ربيعتي داخل سيارت الأسعاف هعهعهعهع يمامي تخوف السيارة بصراحة هع هع
 وهني هههههه يوم ربيعتي حملت السلاح ههههه خاطري في واحد نفسه بقتل فيه اعداءي <<<امبيه فيها نزعه اجراميه
 وهني يعلمونا خصايص هالدراجة هعهعهعهع ابالي وحدة نفسها ,,,...<<<هاي كل شي تباه هههههههههه
 كشخة شكلها هههههه
والحينه براويكم يوم لا سمح الله صار حادث كبير وصار عندهم اكثر عن مصاب يستخدمون هالسيارة يكون داخلها اكثر عن سرير شوفو داخلها دخلناها هع وصورناها
 تخوف ههههه شفتو هالطوابق تحت وفوق كلها اسرة للمصابين هذي تكفي 30 دكتور عادي
والحينه براويكم سيارة المطافي هعهعهعه ماخلينا سيارة ما دخلناها
 تشوفون هذي كلها علب اوكسيجين هعهعهعه كل السيارة جي علب اوكسجين من الداخل وشي لبس ما صورته للأسف بعد يلبسونه عشان ما تأذيهم الحرارة
بس هذي الاحداث الي صارت في هالفترا
والحينه بصراحة مالي خلق ادرس مادري شفيني هالكورس هههههههههههه الله يعين بس ويعدي الكورس ع خير ان شالله نراكم يا اعزائي في بلوق يديد
تي كير
تحياتي
العبير
 يؤ فديتني ههههههههههه<<<اونها تدلع |
|
|
