AL3BEER's profile][®][^][®][.....AL_3BEER...PhotosBlogListsMore  |  Tools Help |
|
|
March 29 كنت بموت :(هلا شخباركم يا حلوين
 اشتقت لكم يا اعضاء سبيسي الكريم لحقو علي كنت بموت يعني خلاص ما راح تشوفون وحدة اسمها العبير تكتب في اسبيس لونه ورديمادريتو شو استوى فيني
 اختنقت وكنت بموت ودوني المستشفى
بقولكم السالفة بالتفصيل من طق طق لسلام عليكم
تعرفون السالفة كنت مريضة وتعبانه وما سرت الجامعة المهم على الساعة 10 جي حسيت بتعب وكان ماحد في البيت غير بنت خالي
المهم وكانت راقدة وانا تعبانه قلت برايها بسير المستشفى بروحي سرت المستشفى بروحي لانها كان باب الحجرة مبند قلت اكيد راقدة من جي قلت شكلها ما بتنش
وعقب يوم سرت قلت لدكتورة انا احس بخنقه وتعبانه قالت لا عادي هذا من الزجام والحرارة وجي المهم وعطتني دوا
ورديت البيت واحس اني خلاص بموت من التعب جان اشوف بنت خالي جدامي قالت لي من وين يتي قتلها من المستشفى وتعبانه وسرت على طول حجرتي
شوي فجاء خلاص احس اني بموت واختنقت تخيلو
وبنت خالي يات بتكلمني قتلها سكتي ما اقدر ارمس وهي تحرتني تعبانه وانا اصلن مختنقه وبس سكتت وانا تميت جي مختنقه وبعد شوي خلاص ما قدرت ارمس ولا كلمة وخلاص بموت تخيلو حتى الموبايل عدالي يرن ما قدرت اخذه وتميت جي يمكن ساعة خلاص بموت وما اعرف شو يصير حولي
وعيوني تدمع
بس ابا اصارخ اقولهم مخنوقه ساعدوني ما قدرت وما اقدر اقولهم مخنوقه وشوي جي حسيت قدرت اتنفس شوي وشوي تحسنت خذت الموبايل ضهرت امي سبحان الله شكلها حست اني في البيت مخنوقه ما قتلها شي بسرعة قتلهاانا مختنقه بموت
لحقو على العبير وجان امي تسكر ويهي وتدق على اخوي بسرعة لا بعد هذا اخوي الي دوم ضرابه وياه هههههههه خلاص سويت اتفاقيه سلام وياه اكتشفت ان الاخ وقت الضيق يفيد هع فديته اخويه الحينه بيفرح لو شاف الاسبيس هههههه الا شوي اي اخوي وياخذني ويوديني المستشفى وانا مخنوقه مب حاسة بالي حولي بس اذكر كان يسوق السيارة بسرعة موت وكان ضغط الهوا على ويهي من جي شوي حسيت قدرت رديت اتنفس ويصارخ يقولي خذي نفس بقو وحطوني في الطواري وركبو لي اوكسجين ومال القلب الجهاز ومال الضغط شربكوني
وشوي اسمع جهاز القلب يقول بق بق بق هههههههه عقب تطمنت على عمري عرفت اني حيه تحريت روحي ميته
,,,<<<حلفي بس هعوعقب شوي اسمع حولي احد ياي بخطوات متتاليه اثرها امي ياية تصيح وتدش الحجرة وشوي تمسك جبهتي بأدينها وتقول العبير العبير ردي علي
فلم والله جنه انا للحين مب مصدقه الي استوى وانا طبعا ما اقدر ارد لان الأوكسجين مب مخليني انطق بس عيوني تصيح تدمع ههههه
وشوي امي تاخذ اديني وتقول انهن باردات اطرافي
بس كل ما سمعت صوت قلبي تطمنت لانها كلها اعراض الموت تجمعت الله يستر هههههههههه المهم وعقبب شوي اي اخوي ياحليله ويعدل ريولي على السرير وينزل نعالي وكلهم حالتهم لله ههههه
فأنا ساعتها لولا الأكسجين كان كنت بقول لهم خلاص انا ما بسامحكم بخوفهم اكثر ههههههههههههه بس جي بسوي اكشن
الموضوع كان غريب والله مادري كيف احساس غريبههه لا امزح هع هع
وبس شوي يات الدكتورة قالت لي شو تحسين قتلها بصوت متقطع راسي بيتفجر
كان صدق راسي بيتفجر احس الدم كله فيهجان تقولي الاوكسجين عندها 80% يعني ناقص وهذا بسبب قلت الأوكسجين شوي وكل شي يكون اوكي
وانقذوني والحمدلله ونجت العبير ههههه بس والله اول ما رديت البيت لقيت اهلي يتريوني نقعت ضحك مادري ليش حسيت جي كأنه فلم نقعت في ويهم وقتلهم اكشن صح هكككككككككككككككككككك
مادري احس الموقف يضحك شكلهم جي كلهم على ويهم استفاهم والحمدلله وخلاص خلصت الحاله وقالو لي تعالي عقب ما نزلت من الستشفى كل يوم صبح وليل بنسوي لج فحص وبنحط اوكسجين سرت يوم واحد وباقي الأيام طبيتهم طفروبي
مب متفيجة لهم احس جو المستشفى ايب المرض اصلن ههههههه في شي يديد صار في حياتي لازم احمله
هف هف هف هذا الفنتولين هف هف هف ملل
المهم وطبعا لازم ما ازعج نفسي هههههه واخرب نفسيتي
 بقولك عقب بعد جي كم يوم امي يات الحجرة مالقتني على السرير
جان اسمعها تدور في البيت العبير العبير وينج تتحراني اختنقت ههههههه وسرت بروحي المستشفى لاحول سويت لهم هلوسه في البيت
مممم وخلصت القصة والله اكشن بقو
وغبت عن الجامعة وحاله وتخيلو امتحانات هالفترا الله يعيني هالكورس شكلي برسب وطافني امتحان وباقي الأمتحان هالفترا كلها وانا تعبانه ما اقدر ادرس وبحاول اعوض ادعولي بالتوفيق هالكورس
ولا الي طفربي في الموضوع يوم دشيت المستشفى وحدة دبه معفنه خاله كريه ودي اكسر راسها على الرسبشن ما خلتنا ادخل وانا مخنوقه اونها تقول لاخوي هات اثبات ههههههههههه قام اقوي زاعج عليها اصلن نحن ما كنا فاضين نيب بطايق او اي شي
بس تأدبت راوها اخوي شغلها وانا دخلوني ههههههه ودي اكسر راسها الحقيرة نحن في شو وهي في شو
والشي الغريب
مادري كيف الخبر انتشر بسرعة هههههه خواتي ما قصرو نشرو الخبر وبنت خالي بعد وامي
ومشكورين كل الي تطمنو علي كلهم ههههه ربيعاتي وبنات خالي وخوالي كلهم فديتهم والله
وكل الي يحبوني
 وهذي بوسه حقكم
 ضغطو الرابط ههههه شوفو كيف المسن يوم دشيته صار
حتى ربع النت حليلهم يطمون علي فديتهم والله هههههه احلى شي النت
  وبعد ما خلصت كنت ملانه وما اعرف شو اسوي يوم كنت في البيت في فترت النقاهه هع هع ههههه متعوب عليها الكلمة هذي
المهم ماعرفت شو اصور قمت قلت يالله بصور الميداليه وسرت العب فيها براويكم شو سويت بالميداليات
سويت مسابقة بين مستر سمايل ودبدوبه في شد الحبل وكانت النتيجة
 هككككككككككك دبوبة فازت وطاح مستر سمايل والحكم ام سعيد
امحق مسابقة دام الحكم ام سعيدوعقب ما فازت دبدوبه عطيناها التاج الوردي ويلست في كرسي الأوال هكككككككككككككك مرتزة حليلها ماحد قدها
 هكككك يالله يالله حركات دبدوبه شوي شوي على الكرسي لا تكسريه
مافينا نبا كرسينا  ياسلام مستر سمايل مرتز ههههههههههههه في كرسي دبدوبه
شكله رفسها وخوزها من فوق الكرسي براويكم شي اخر شي يوم سارت ام سعيد شوفو شو استوا
 هككككككككككك تبادلو التاجات بعد ياسلام
حتى الدببة ما سلمنا منهم لا حول
ما يندرا في شو يفكرون الله يستر اكيد شي وراها هالحركة مب لله مبدلين التاجاتوهني يوم خلاص كنت ابا اسكر الكام الا اشوف مستر سمايل متعلق في الغطا مال الكاميرا هههههههه ويقول لا حلفت عليج تكملين تصوير
 عقب كملت التصوير
هككككككككككككككك
 وهني احبك كانون ههههه
انزين ونكمل
وهني تكشخ مس سمايل بالحمدانيه
 عاش عاش
 هكككك مستر سمايل الكاشخ وهني ويا الشيخ زايد الله يرحمة
مستر سمايل الأماراتي
 وهذا مستر سمايل خلف الكواليس
 وتحييييييييييييياتي لكم
العبير
^_^
February 01 اخر يوم امتحانهلا شخباركم لووول
كل سنه وانتم طيبين وبخير وكل شي دخلنا 2008 بسم الله السنوات تمشي بسرع
هذي صورة صورتها لبابا نويل خخخخخ ويا فلبنيات هككككككككككككك ضحكني شكل الفلبنيات
هذي في المول صورتها خخخخ
الي بين العين ودبي عرفتوه هع هع الأوت لت
المهم مالت عليه هالبابا نويل ههههههههه سد نفسي ويا هالفلبنيات لو صج يحقق الأمنيات جان ياب له حلوات عداله هع هع
بابا نويل الأمارات هندي
ياربي هالهنود محتلينا وبابا نويلات الأمارات فلبنيات خخخخخخخخخخخ بعد في احتمال يكونن شاردات من شي بيتهع بس بخبركم شو استوى لي في ايام الأمتحانات
تخيلو شو صار انا بما اني مدمنه نت وادرس بزنس اكيد لازم الاب توب اجباري يكون وياي عشان الدراسه
بس تخيلو عاد انا سمعت الدكتورة مالتنا تقول خلاص بنات انا امتحان الفاينل بسويه لكم مب اون لاين على النت بسويه على ورق
المهم ذاكرت وكل شي وكان عندي امتحانين فاينل نفس اليوم يعني تخيلو اضهر من واحد ادش الثاني على طول بينهم بس ربع ساعه
ويوم دشيت الكلاس تخيلو شو شفت كل البنات فاتحات الاب مالهم قلت انا عادي يمكن يذاكرون يعني عقب شفت ربيعتي قتلهاتعالي الأمتحان اليوم مب قالت الدكتورة
اوني يعني ذكيه تعبتن روحكن حملت الابات على ورق
ربيعتي قالت لااااااااااااااااا
 غيرت قالت لا الاب بيكون تخيلو موقفي كيف ما عرفت شو اسويسرت بخبر الدكتورة عن السالفة وقتلها
مس نسيت الاب توب تحريت الأمتحان على ورق
 جان ترد علي تقولي لو سمحتي انا دكتور
تخيلو السخافة انا في شو وهي همها بس اسمها عاد من قالت جي غسلت اديني انا على طول منهاقتلها انزين دكتور <<<
قتلها دكتور نسيت مالي الاب تحريت على ورق
جان تقولي مسؤوليتج شو يعني بسوي لج سيري دوري لاب توب في الجامعة وبعد ايام امتحانات يعني كل الي وياهن لاباتهن اكيد بيكون عليهن امتحان ويذاكرن من لاباتهن قلت يالله بجرب مب مشكلة وسرت ادور في الجامعة ادور بنات يعطوني لابهن طبعا اغلبهن يذاكرن ووماعطوني وعقب رديت الكلاس لقيت اربع بنات بعد نسن بعد الاب مالهن يتحرنه على ورق بعد
وبس جان نلاقي بالصدفة الكلاس الي عدالنا الدكتور مالهم قالهم بمتحنكم على كمبيوترات الجامعة مب على لابتباتكم قلت فرصة بسير باخذ منهن
ودشيت انا والبنات الأربع الثانيات وخذنا الابتوبات المهم شو استوىبطلت الاب مال البنت حاولتت عليه يمين يسار ما رضى النت يشتغل فيه والبنات الثانيات كلهن خلاص بدن الأمتحان  وخلاص وماحد معبرني في الكلاس حتى المس يوم ازقرها تقولي وطي صوتج اونج تزعجين البنات طنشت وسكت سرت بسرعة قلت لمس بدور لاب توب ثاني قالت اوك بسرعة المهم بسرعة ربعت لاختي قتلها نسيت لابي وعلي امتحان فاينل طبعا اختي الوحيدة الي حست فيني وقامت تدور وياي وبس ما لقت عقب رديت الكلاس وقلت للمس مالقيتويلست في الكلاس قالو لي تري احد يخلص وعقب خذي لابه وتميت جي جان اقول لدكتورة عطييني كتابي من الشنطة كانت شنطتي ورا من الربشة مادري وين فريتها
حرام كنت مذاكرة قتلها هاتي اكتاب بذاكر المادة الي عقب هالأمتحان علي فاينل ثاني
ممكن تعطينا الكتاب براجعه قلت في خاطري دام طوفنا امتحان ما بنطوف الثاني
جان تقول الدكتور يابنت انتي في مشكلة
اونه تباني احس يعني  تتحرا شكلها اني مادري اني في مشكلة بس انا طنشت قلت والله لو مكتوب علي اليوم امتحن بمتحن شوي دقيقة جي يدق الباب واي لاب ثاني وبس وبدينا نحاول في الاب الثاني وفتحته وجربت عليه شوي الا الاب الي يابوه ما اشتغل معلق بدون سبب معلق بس جي عناد فيني والله بصراحة بلاه عليكم عمركم شفتو قصة جيوالله فلم هندي مب قصة
اخر شي المس قالت لي حاولي عليه قتلها ما بحاول خلاص ثلاث مرات احاول عليه
 ولا شي فايدة والأول بعد ما اشتغل ونسيت لابي والبنات رفضو يعطوني وبستميت يالسة ويالسة اتريا احد شوي الا يوصل الاب توب الثالث
تخيلو ثالث لاب توب والابتوبات تجمعت جي جدامي وكلهن خربانات ما اشتغلن وطلع بعد خربان هعاخررررررررررررررر شي اخر لاب توب يابه واحد مهندس لي المهم
قلت دامه مال مهندس اكيد صلحان
كان ما بقا شي من الأمتحان ويخلص والمس طبعا انا طول هالفترا اتحرا ان هي الي وصت على الابات تي هذي كلهالانها قالت لي خلاص ممنوع تسيرين مكان تمي في الكلاس قلت انا اكيد هي يعني الي خلتهم ايبون لي الاب توبات وطول ما انا امتحن اقول ياحليلها الدكتورة مالتنا طيب وكان واحد وياها دكتور بعد
طول فترت لامتحان القليلة الي عطوني اياها اقول ياحليلهم والله طيبين يابو لي لاب مب مشكلة يالله بمتحن بسرعة هههههههههههههههه
وبطلت لاب المهندس وامتحنت وكل شي الحمدلله بس طبعا الأسئلة صعبه بس حليت وشوي اسمع المس تقول اونها البنات ترا نحن نمشي على وقت الأمتحان مافيش زيادة في الوقت يعني اسمعي تقصدي انالان معروف ان الامتحان يتوقف بروحة يوم يخلص الوقت بس انا بما اني متأخرة الوقت طويل عندي المهم يعني بعد ما ساعدتني في الوقت بس قلت يالله فيها خير يابت لي الاب توب بعد
وبعد ما خلصت سرت للمس عشان اشكرها جان اقولها مس شكرا هذا لاب وين اوديه خلصت الأمتحان جان تقولي هو دا الاب توب بتاع مين قتلها مادريجان تقول وانا كمان ما اعرفش
استغربت المهم جمعت الاب توبات ونزلت من الكلاس بدور مال منو الا الاقي ربيعتي واقفة عن الكلاس تترياني توها يايه من البيت تخيلو على النحاسة بعد هي ويايفي الأمتحان الثاني يعني يات متاخرة يعني لو يات بدري جان خذت لابها بس للأسف بس يات تخطف علي ولقيت اختي وربيعتي عرفت ربيعتي السالفة من اختي لانها تقول كل ما نزلت بنيه يعلقون على بنت ناسية لابها والدكتورة مب مهتمة فربيعتي ما توقعت ان انا مدمنت النت اكون الي يرمسون عنها طبعا مستحيل لان ولا عمري نسيت الاب انسا روحي ولا انسا هههههههههههههههههه
وعقب قتلهم مال منو الحينه لابات هذي المس تقول مب هي يابتنهن بسم الله مال منو وبديت افكر ان قوه خارقة ساعدتني هككككككككككككككككككككككككككككك
وجان اختي تقول انا سرت ادور لج في كل مكان لابات تخيلو
طول الفترا وانا ساكته وكل البنات ضهرن من الكلاس ويقولن في حياتنا ما شفنا بنت باردة لهدرجة والكل يرمس على الأمتحان انه صعب ومستغربين كيف بحلوانا ساكته قلت والله حق شو اصيح شكله حتى لو يبت لابي بيكون خربان نفس الحاله
هكككككككيعني لو صحت بيتغير شي من جي قلت طز في الأمتحان
بس يوم دريت ان اختي هي الي يابت لي الاب والكل طنش والدكتورة مطنشه ودخل واحد يخطف اذا شي مشاكل وقالت له مافيش مشاكل
اللعن النذاله بس وانا ساكته طول هذيج الفترا بس يوم دريت ان اختي يابت الاب اول ردينا كل الاب توبات عقب تميت اصيح واصيح واصيح
والله قلبي عورني عرفت ان ماحد ينفعك في الدنيا غير اهلك  حتى في ماقدرت ادش الأمتحان الثاني يلست اصيح عقب دشيته هكككككككككككككككككككك المهم ادري تفكيري غير عكس العالم يوم اصيح هككككككككك بس اختي تمت تطالعني يوم اصيح
وجي ويها الحينه توج تذكرين تصيحين عقب ما سرنا من عند الكلاس وخلص الأمتحان وكل شي جان اقولها ما صحت عشان الامتحان طز فيه يولي والله بس صحت عشان دريت انج انتي يبتي الابات
فديت اختي انا الله يخليها لي والحينه اقول لاختي احبج
وتوني اكتشف قيمتجوبس خلاص هذا كان اخر امتحانين لي ختامها زفت مب مسك ودشيت الامتحان الثاني وامتحنت والحمدلله طلعت النتائج ونجحت في كل الامتحانات بعلامات زينه بعد الحمدلله
تحياتي لكم
العبير
January 21 اجازة ومللياهوووووووووووووو بدت الاجازة هع هع
المهم بدت الأجازة يعني ملل وطفر ولوعت جبد وكل شي هع مادري حق شو كاتبه ياهووو هكككككككككك
عاد انا متمللة على اخر درجة فشو سويت
يبت ريومة وقتلها تعالي شوي خلينا شوي نستهبل من زمان ما ضحكت مستويه فيني حالة كله اكتئاب نفسي هههههههههه الله يجازي الي كانو السبب هع
 خلينا نضحك شوي
تعرفون شو سويت الا اسير المخزن واجمع الأكياس مالت كل المحلات
  ,,<<<بدى عاد الجنون الله يستروعقب اخلي ريومة تيب ورقة وقلم وتسجل كل الأرقام الي على الأكياس
 حليلها كان عندها اكتئاب بعد هكككككككككككككككككككه
 احلى يا ريومة مكشخة بالكندوورة المصرية هككككككككككككككككككككك
 هع
ونبدا عاد الخطة الجنونيه
تعريف المصطلحات
الكيما :
 هيا اكلة هندية عريقة وتنأكل ويا البراتا هككككككككك للي ما يعرفون هع البراتا عاد ابحثو عنها هع
ندخل في الموضوع هع  شووي ندق اول شي على بودي شوب ترن ترن ترن
العبير : الوووو هلا رفيق رفيق بسرعة واحد خمسة سندويش كيما
 ا بودي شوب : وليييييييييييييييك شو هيدا محل بودي شوب طوووووووووطططط
قطعت الخط من الضحك
عاد طبعن خواتي عدالي فطسو ضحك ولا قدرت اكمل وانا ضحكت كنت بكمل
عقب صكيت السماعة
شوي يبنا الرقم الثاني مال مكياجي هههههه
ترن ترن
العبير : الووووو السلام عليكم شو اليديد عندكم
مكياجي : لك عندنا مجموعة جديدة
العبير : اوكي عيل يبي لي واحد سندويش من المجموعة اليديدة وواحد سندويشة كيم
لا مفر من سندويشت الكيما ورانا ورانا ههكككككا مكياجي : نحن مستحضرات تجمممم توووووووووووطططط
قطعت الخط ضحك
عقب يبنا الرقم الثالث على اريج
العبير : الووو السلام عليكم شو اليديد
قلت عاد ما بخربها على طول وبقول هلا رفيق
اريج : عندنا مستحضر ديور اجديد وما بعرف شو
عاد انا على طول
العبير : اوكي طلبي لنا واحد سندويشة ديور وواحد جيرلاند وكيما
ا طبعن بسرعة ارمس عشان لا تقاطعي ههككككككككككك عادي يوم قلت جير لاند ما قدرت استحمل وضحكت في ويها وسكرنا
اخ اخ اخ اخ بس ينذالة ههههههه مادري منو عداني هع من عاشر القوم عشرين يومن استوى منهم المهم
مثل الميانين على التفونات هع هكككككككككككككككك اخر شي الزلمة قالت وليك انتم من وين جاين اللهم سكنهم من مساكنهم هككككككككككككككككككككككك
وبس وعاد ويالله على المحلات محل محل وعاد اخر شي ماقدرت استحمل من الضحك وبس واستانسنا شفتو العقل بس من جي امي تدعي علي اني اعقل
 هكككككككككك شكلي كل يوم بسويها عيبتني السالفة ههههه بتمسكنا الشرطة عقب هع بدش النت من السجن وبكون خريجة سجون الله كشخة هههههككككككك
اسمعو شو استوى الا اليوم الثاني اشوف امي ميودة التلفون شكلها تقلد حركتنا
لحقو علينا العايلة انحرفت هكككككككككككك
<<<بدى الخرييط هكككككك
هكككككككككك لا قلت المرة الياية بدق على المغاسل مال السيارات هككككككككك بقولهم عندي جثث ابيكم تغسلونا عقب بقول اوه اوه تحريتها مغسلة اموات هكككككككككككككككككككككككك
المهم وشوي اقلب التلفزيون الا اشوف شيبة طلع له قرون اللهم لا شماته انا ما بضحك عليه عشان ربي لا يطلع لي قرون
 مممم انزين بقولكم على جيرانا هككككككككككككككككك
صج السالفة اقولكم مسوين لنا ازعاج بقو كله من ارتفعت اسعار الحليب يابو بقر في بيتهم هككككككككككككككك يربونهم واصوات البقر موصلة وين هككككككككك
شكلنا بنقولهم لازم تعطونا بدل ازعاج من الحليب الي عندكم <<<العن اللحافة شو تسوي هكككككككككككككك هع
المهم وخلصت هذا هو الي سويته في بداية الاجازة توها بادية اجازتنا هههههههههههههه
ه
عاد الله يعين على اخرها شكله بنسوي جريمة هههههههه بدينا الأستخفاف من الملل
واشوفكم على خيرر ببباي
تحياتي
العبير
September 15 رخصة القيادة هههههلاااااا شخباركم ياحلوين
هككككك بدت الدراسة اكيد جبدكم لايعة انا بعد احس بدت اعراض حالتي النفسية
الي تيني فترة الدراسة ههههه الله يعين بس
رخصة القيادة
<<<احلى يافصحة ههههه
بس اقولكم ابيكم تباركويلي واخيرن واخيرن طلعت الليسن الي كنت احلم فيه الي كنت احلم اسوق في الشوارع
بدون الشرطة ما تمسكني بحريه تامة هككككككك
احلم اتمشى وافحط واخرب الدنيا وادعم الكشرات وادعم العالم واخيرن تحقق حلمي <<<فضحت عمرها الحين بيسحبونه منها
هككككككككك المهم انا لاادري كيف اوصف لكم شعوري هعهعهعه
القصة
 ترى لاتتحورن السالفة سهلة لا والف لا هههههه
ياني واحد صرخ علي ههههه قمت صارخت عليه هعهعهعه
هككككككك تعرفون هذا من تركب البنت يزاعج عليها شكله فيه حاله نفسية ولاحرمته صارخت عليه ويا يطلع حرته فينا
 كل البنات ميتات رعب منه وعاد تعرفون يركبونه باص مثل قيطع الغنم نتنقل في ارجاء المدينه هكككككككوبدور نركب السيارة وعاد راعي الباص مصدق روحة عشان عنده لليسن يتم
يعملنا اساليب السواقة خخخخخخخخخخ مسوي فيها فاهم الأخ
عقب يوم يا دوري وصرخ علي اول ما يوت القير بدون سبب بس جي
قتله ايييييييه انت لاتخوفني مخوف ومبجي نص بنات الباص ومرسب العالم
قال والله خوفتهم
 قتله هيه واللهقال اوكي ان شالله تنجحين هكككككككك
ونجحت الحمدلله
والحينه
معاناتي مع المدربات العربيات
بعد معانات مع المدربات
الي سرقو فلوسي وما انصح اي بنت تاخذ ويا سواقة عربية وخاصة بنات العين لان بعدنا المدرسة فاجة بس مافي
سواقين فيها تخيلو دربتني فلبنية بوذية وكانت تدرب بضمير
وهذا اكثر شي الي ازعجني والسوريات والفلسطنيات المدربات ما يدربوني وكله عشان نرسب وياخذن فلوس بعد اكثر
يعني مافيهن ضمير ونركب وياهن كل وحدة تسب في اختها الثانية وتمدح في عمرها وكلهن نصابات
واخليكم ويا الصور ههههههههههههه
صوت الليسن ههههههه وشهادة المدرسة الي نجحنا اونه فيها وكله غش هههههه
ما اذكر غير كلمت ماء الريديتر هو سائل بس ما اعرف مكانه ههههههه
 وهذي هدية من اخوي الكبير ^_^ ههههههه كانو يأسين شكلهم
اما اخوي الثاني قال لو تمتين من شكلج ما بتضهرين الليسن هعهعهعهع مادري شفيه هذا اخوي
كله يحبط فيني
  الله يبارك فيك ^_^
 وكلللللوووووووووووش واخيرن
 رمضان كريم علينا وعليكم
 ومبروووووووووووك عليكم الشهرولا تسمعون اغاني
وصلوصلاة التهجد والتراويح واختمو القران ما وصيكم يالله ان شالله تسمعون الكلام
وهذي بطاقة صممتها هدية مني لكم ^_^
 تحياتي
العبير
^_^
|
|
|
